Missión, visión og virðir

Missión

Fjarhitafelagið veitir umhvørvisvinaligan hita og heitt vatn til húsarhald og bygningar í Tórshavnar kommunu eftir nærri ásetingum frá kommununi.

Fjarhitafelagið virkar fyri, at sum minst av avlopsorku fer til spillis.

Fjathitafelagið er ein grønur orkuberi í høvuðsstaðnum, sum kann veita sínum brúkarum hita og heitt vatn, ið fæst burtur úr grønari orku av øllum handa slag.

Visión

Fjarhitafelagið vil:

• verða ein eftirspurd hitaloysn, ið kann veita so nógvum kundum sum gjørligt umhvørvisvinaligan og støðugan hita til kappingarførar treytir á einum høgum og tryggum tænastustøði.
• verða ein framtakssinnaður viðspælari, tá umræður bæði at royna og at troyta nýggjar varandi orkukeldur.
• verða ein týðandi leikari í felags strembanini eftir at gera føroyska samfelagið leyst av oljunýtslu á landi.

Virðir

Framskygni

• Vit útvega okkum áhaldandi nýggjastu vitanina innan fjarhita.
• Vit leggja dent á at ganga undan á fjarhitaøkinum.
• Vit fyrireika arbeiðsuppgávurnar í góðari tíð.

Dygd

• Vit hava eina langa søgu og drúgvar royndir innan fjarhita.
• Vit leggja doyin á at veita dygdargott arbeiði á høgum tænastustøði.
• Vit virka áhaldandi fyri einari vælvirkandi fjarhitaskipan.

Samstarv

• Vit leggja dent á gjøgnumskygni í okkara samstarvi við kundar og samstarvsfelagar.
• Vit gera okkara ítasta og vísa altíð vælvild mótvegis kundum og samstarvsfelagum.
• Vit grunda okkara samstarv bæði innanhýsis og uttanhýsis á jaligt samskifti.